An sace malaman jinya a Zaria ta Najeriya

A wani sabon hari da masu garkuwa da mutane domin neman kudin fansa suka kaddamar a wata asibitin kutare da masu fama da tarin fuka ko TB, an yi awon gaba da malaman jinya a birnin Zaria na jihar Kaduna.  Kawo yanzu ba bu tabbacin takamaiman adadin wadanda aka dauke, sai dai wata majiya ta ce mutane takwas ne abin ya rutsa dasu, yayin da wata majiyar kuma ta bayyana cewar mutanen da aka yi garkuwa da su sun kai goma sha biyar.

Mai magana da yawun rundunar 'yan sandan jihar Kaduna a Arewa maso yammacin Najeriya Mohammed Jalige ya tabbatar da sace ma'aikatan bayan wata misayar wuta da 'yan sandan suka yi da 'yan ta'adan.

Sace-sacen mutane don neman kudin fansa na neman zama ruwan dare musmman ma a jihohin Zamfara da Katsina da Kaduna da ke arewacin tarayyar Najeriya.