Amirka ta sanar da sabon kunshin tallafi ga Ukraine

Shugaba Joe Biden a ranar Juma'ar ya kuma sanar da cewa, zai sanya hannu kan sabon kunshin tallafi ga Ukraine na dala miliyan 225, domin ta sake gina cibiyar wutar lantarkinta.

Karin bayani: Amirka ta amince da bai wa Ukraine tallafin yaki

Wannan dai ita ce ganawa ta gaba da gaba ta farko da shugabanin biyu suka yi tun bayan da Shugaba Zelenky ya kai ziyara a birnin Washington a watan Disambar shekarar 2023.

Ana sa ran shugabannin za su sake haduwa a mako mai zuwa a taron koli na kasashe masu karfin arzikin masana'antu na G-7 da zai gudana a kasar Italiya, yayin da shugabanin kasashen yammacin Turai ke tattaunawa kan amfani da kadarorin Rasha da suka rike bayan da ta kaddamar da mamaya a Ukraine, domin samawar wa Kyiv tallafin dala biliyan 50.