یوسین بولٹ جرمن فٹ بال کلب ڈورٹمنڈ کے تربیتی سیشن میں
23 مارچ 2018
جرمن فٹبال کلب بوروسیا ڈورٹمنڈ کی جانب سے اعلان کیا گیا ہے کہ ایک خصوصی ٹریننگ سیشن میں سابق اولمپئین ایتھلیٹ یوسین بولٹ شریک ہو رہے ہیں۔ ڈورٹمنڈ اور یوسین بولٹ کی مشترکہ اسپانسر کمپنی ’پوما‘ نے اس پبلک ٹریننگ سیشن کا انعقاد کیا ہے۔ ڈورٹمنڈ کے ٹریننگ سینٹر میں اس خصوصی سیشن کو دیکھنے کے لیے یوسین بولٹ کے شائقین کی ایک بڑی تعداد موجود تھی۔یوسین بولٹ کیریئر کی آخری دوڑ میں وقت سے ہار گئے
یوسین بولٹ کیریئر کی آخری دوڑ میں وقت سے ہار گئے
جمیکا سے تعلق رکھنے والے ایتھلیٹ یوسین بولٹ کرکٹ کے مداح تو ہیں لیکن فٹبال میں وہ برطانوی کلب مانچینسٹر یونائیٹڈ کے پرستار بھی ہیں۔
اکتیس سالہ یوسین بولٹ نے سماجی رابطے کی ویب سائٹ ٹوئٹر پر ڈورٹمنڈ کے کھلاڑیوں کے ساتھ اپنی تصاویر بھی شائع کی ہیں جب کہ ایک پیغام میں انہوں نے کہا کہ ’ڈورٹمنڈ کے کھلاڑی جمعہ کے روز تیار رہیں۔‘
ایک سو اور دوسو میٹر کی دوڑ کے عالمی ریکارڈز کے حاملہ یوسین بولٹ گزشتہ سال سے ریس کے عالمی مقابلوں سے ریٹائرمنٹ لے چکے ہیں۔