ہر پانچواں جرمن شہری، ٹیٹو کا حامل

جرمنی میں کرائے گئے ایک تازہ سروے میں یہ بات سامنے آئی ہے کہ ہر پانچویں جرمن باشندے نے اپنے جسم پر ٹیٹو بنوا رکھا ہے۔ اس سروے کے نتائج کے مطابق 21 فیصد جرمن باشندوں نے اپنے جسم پر ٹیٹو بنوانے کی تصدیق کی جب کہ 76 فیصد نے اس بابت 'نہ‘ کہا۔ سروے کے مطابق تین فیصد افراد ایسے تھے، جنہوں نے اس کا جواب دینے سے احتراز کیا۔

پاکستان میں تبدیلیٴ جنس کے کامیاب آپریشنز

افغان خاتون دھمکیوں کے باوجود ٹیٹو بنانے میں مصروف

اس سروے میں شامل 27 فیصد افراد نے جس پر ٹیٹوز کو 'بے حد دلکش‘ قرار دیا جب کہ بیس فیصد نے انہیں 'بالکل بھی خوب صورت نہیں‘ کہا۔ سروے میں بارہ فیصد ایسے افراد تھے جن کے مطابق ٹیٹوز 'بہت خوبصورت نہیں‘۔ اس سروے میں 36 فیصد افراد نے کہا کہ بعض اوقات انہیں ٹیٹوز دیکھنا اچھا اور بعض اوقات برا لگتا ہے۔

اس سروے کے مطابق خواتین کو ٹیٹوز مردوں کے مقابلے میں زیادہ پسند آتے ہیں۔ سروے میں 32 فیصد خواتین اور 21 فیصد مردوں نے ٹیٹوز کو 'خوب صورت‘ قرار دیا۔

نوجوانوں میں ٹیٹوز کی پسندیدگی کی شرح دیگر کے مقابلے میں کہیں زیادہ ہے۔ اس سروے میں شامل 18 تا 25 برس کی عمر کے 43 فیصد افراد نے انہیں 'بے حد خوب صورت' یا 'خوب صورت‘ کہا۔ اس سروے میں دو ہزار بیالیس افراد کی رائے شامل کی گئی ہے جو 14 تا 16 جون جمع کی گئی۔ اس سروے میں 18 برس یا اس سے زائد عمر کے جرمن باشندوں کو شامل کیا گیا تھا۔

ع ت، ک م (ڈی پی اے)