کیا آپ انہیں پہچان سکتے ہیں؟

اندازہ لگائیے کہ اس تصویر میں کیا نظر آ رہا ہے؟ اس کے اندر سے نکلنے والے بیج آپ شاید زندگی میں متعدد مرتبہ کھا بھی چکے ہوں۔ عمومی طور پر انہیں نمک میں بھونا جاتا ہے۔

حقیت میں یہ پستے ہیں اور ایرانی پستے دنیا بھر میں مشہور ہیں۔

اس سبز پودے کو اگر آپ دیکھیں تو شاید بالکل ہی مختلف خیال آپ کے ذہن میں آئے۔ میرے ذہن میں سب سے پہلے کھیرے اور گھیا توری کی بیل آئی تھی۔ لیکن جو آپ دیکھ رہے ہیں، وہ ہے۔۔۔

ونیلا! یہ زاعفران کے بعد دوسرا سب سے مہنگا مصالحہ پیدا کرنے والا پودا ہے۔ یہ پودے اگانے میں بہت زیادہ محنت درکار ہوتی ہے۔ ہر پھلی کے اندر انفرادی طور پر ہاتھوں سے نکال کر ونیلا جمع کیا جاتا ہے۔

یہ زرد رنگ کا پھل اس چیز کا حصہ ہے، جسے ہم تلاش کر رہے ہیں۔ ویسے تو یہ بھی الکوحل یا پھر جوس کے لیے استعمال ہوتا ہے۔ لیکن ہمیں اس بیج کی تلاش ہے، جو اس سے حاصل ہوتا ہے۔ کیا آپ کو نظر آ رہا ہے؟

شاید آپ میں سے زیادہ تر لوگ اسے پہچان نہ پائے ہوں۔ تو جناب یہ کاجو ہے۔

آپ نے شاید پہلے کبھی اس پھل کو دیکھا ہو لیکن آپ جانتے ہیں کہ اس کے اندر کیا ہے؟

جی بالکل، چاکلیٹ کیکاو کے بیجوں سے ہی بنتی ہے۔

یہ پتے اس درخت سے تعلق رکھتے ہیں، جسے سدا بہار سبز درخت کہا جاتا ہے۔ یہ مصالحے دار تیل کی تیاری میں بھی استعمال ہوتے ہیں۔ لیکن جسے ہم تلاش کر رہے ہیں، وہ اس درخت کی چھال سے بنتا ہے۔ کوئی خیال آیا ذہن میں؟

کیا آپ پہچان گئے ہیں؟ بالکل یہ دار چینی ہے اور اس درخت کی چھال سے بنتی ہے۔ اس مقصد کے لیے اندرونی چھال کی 0.5 ملی میٹر موٹی تہہ کو نکالا جاتا ہے۔