چيمپئنز ليگ: ٹونی کرُوز اور تھوماس مُوئلر آرسنل کو لے ڈوبے

برطانوی دارالحکومت لندن کے ايمیرٹس اسٹيڈيم پر انيس فروری کے روز کھيلے جانے والے پہلے راؤنڈ کے ميچ ميں فتح حاصل کرنے کے بعد جرمن کلب بائرن ميونخ اب گيارہ مارچ کو ہونے والے دوسرے ليگ کے ميچ کے ليے کافی پُر اميد ہے۔ دوسری جانب آرسنل کے مينيجر آرسنے وينگر بھی اِس ليے اميديں لگائے بيٹھے ہيں کہ جب پچھلی مرتبہ کچھ ايسی ہی صورتحال ميں اُن کی ٹيم بائرن کے خلاف ميونخ کے الائنس ايرينا ميں اتری تھی، تو اُس نے شاندار کارکردگی کا مظاہرہ کرتے ہوئے بائرن کو دو صفر سے مات دے دی تھی۔

بدھ کی شب کھيلے جانے والے ميچ کے ابتدائی لمحات ميں ميزبان ٹيم حاوی رہی اور اُسے گول کرنے کے متعدد مواقع ملے تاہم بائرن ميونخ کے گول کيپر مانوئل نويئر نے بھی ڈٹ کر مقابلہ کيا اور کوئی گول نہ ہونے ديا۔ پہلے ہاف کے دوران دونوں ہی ٹيموں کو ايک ايک پينلٹی کک بھی ملی، جِسے دونوں ہی نے ضائع کر ديا۔ جرمن قومی ٹيم کے ترک نژاد کھلاڑی آرسنل کے ميسوٹ اوزل اِن دنوں کافی خراب فارم ميں ہيں اور اُنہوں نے گول کرنے کا سنہری موقع گنوا ديا۔ اسی طرح بائرن کے ڈيوڈ الابا نے بھی پينلٹی کک ضائع کردی اور يوں پہلے ہاف کے اختتام پر اسکور صفر صفر سے برابر رہا۔ پہلے ہاف کے 37 ويں منٹ ميں آرسنل کے گول کيپر کو باہر بھيج ديا گيا اور يوں اُسے بقايا ميچ دس کھلاڑيوں کے ساتھ ہی کھيلنا پڑا، جِس کا مہمان ٹيم نے بھرپور فائدہ اٹھايا۔

ميچ کے دوسرے ہاف ميں بائرن ميونخ نے کھيل پر اپنی گرفت مضبوط کی اور 54 ويں منٹ ميں مڈ فيلڈ کھلاڑی ٹونی کرُوز نے شاندار گول کر ڈالا۔ بعد ازاں اختتامی لمحات ميں تھوماس موئلر نے اپنے سر کی مدد سے ايک گول کرتے ہوئے نہ صرف اپنی ٹيم کی فتح کو يقينی بنا ديا بلکہ آرسنل کے ہوم گراؤنڈ پر اپنی ٹیم کی جیت کو یقینی بنا دیا۔ واضح رہے کہ اِس ٹورنامنٹ ميں دو ٹيموں کے گولوں کی تعداد برابر ہونے کی صورت ميں، وہ ٹيم کواليفائی کرتی ہے جِس نے اپنی مخالف ٹيم کے ميدان پر زيادہ گول کيے ہوں، جنہيں ’اَوے گول‘ کہا جاتا ہے۔

جرمن کلب بائرن ميونخ کو اِس سال يورپی چيمپئنز ليگ جيتنے کے ليے فيورٹ قرار ديا جا رہا ہے۔

دريں اثناء بدھ انيس فروری کی شب کھيلے گئے ايک اور ميچ ميں ہسپانوی کلب ايٹليٹيکو ميڈرڈ نے مشہور اطالوی کلب اے سی ملان کو صفر کے مقابلے ميں ايک گول سے شکست دی۔ اٹلی مے مقام سين سيرو پر کھيلے جانے والے اِس ميچ کا واحد گول ڈيئيگو کوسٹا نے کيا۔

قبل ازيں منگل کے روز چيمپئنز ليگ کے ناک آؤٹ مرحلے کے آغاز پر دو ميچ کھيلے گئے، جن ميں ہسپانوی کلب بارسلونا نے انگلش کلب مانچسٹر سٹی کو دو صفر سے جبکہ فرانسيسی کلب پاری ساں جرميں نے جرمنی کے کلب بائر ليورکوزن کو چار صفر سے مات دی تھی۔