پاکستان واپسی پر ارشد ندیم کا پرتپاک استقبال

پیرس اولمپکس 2024 میں جیولن  تھرو مقابلے میں گولڈ میڈل حاصل کرنے والے پاکستانی ایتھلیٹ ارشد ندیم اتوار کو پاکستان واپس پہنچ گئے ہیں۔ لاہور ائیر پورٹ پر ارشد ندیم کا استقبال کرنے کے لیے ان کے خاندان کے افراد اور سیاسی رہنماؤں سمیت سینکڑوں افراد موجود تھے۔

ارشد کا استقبال کرنے کے لیے لاہور ائیرپورٹ کا رخ کرنے والے سیاسی رہنماؤں میں وفاقی وزیر احسن اقبال، چیئرمین وزیراعظم یوتھ پروگرام رانا مشہود، صوبائی وزیر کھیل فیصل کھوکھر، سابق وفاقی وزیر خواجہ سعد رفیق اور شزا فاطمہ سمیت دیگر حکومتی عہدے دار بھی شامل تھے۔

اس موقع پر ارشد کے مداحوں کی بھی ایک بڑی تعداد ہوائی اڈے کے احاطے میں موجود تھی۔ ارشد ندیم کو پھولوں کے ہار پہنائے گئے اور ائیر پورٹ کی فضا ارشد ندیم زندہ باد کے نعروں سے گونج اٹھی۔

صدر مملکت آصف علی زرداری کی جانب سے ارشد کو تمغہ امتیاز سے نوازنے کا اعلان بھی کیا گیا ہے۔ اس کے علاوہ صوبائی حکومتوں کی جانب سے ان کے لیے نقد انعامات اعلان بھی کیا گیا ہے۔

ارشد ندیم پاکستان کی جانب سے اولمپکس کے انفرادی مقابلوں میں گولڈ میڈل جیتنے والے پہلے ایتھلیٹ ہیں۔ انہوں نے پیر س اولمپکس میں بھارتی جولین تھرور نیرج چوپڑا کو شکست دیتے ہوئے 92 اعشاریہ 97 کی ریکارڈ تھرو کے ساتھ گولڈ میڈل اپنے نام کیا۔ اس سے قبل اولمپکس گیمز میں پاکستان نے آخری مرتبہ 8 اگست 1992 میں کانسی کے تمغہ حاصل کیا تھا۔ جبکہ آخری گولڈ میڈل 1984 میں جیتا تھا۔

ر ب/ ش خ (رائٹرز)