شاہی جوڑا چترال میں

چترال پہنچنے پر مقامی افراد نے شاہی جوڑے کو تحائف دیے۔

اس موقع پر شہزادی کیٹ نے چترالی ٹوپی اور شال زیب تن کی جب کہ شہزادہ ولیم نے چترالی کوٹ پہنا۔

شہزادہ ولیم اور کیٹ مڈلٹن کو وادی بروغل کے ایک گلیشیئر پر موسمیاتی تبدیلی کے اثرات کے حوالے سے بریفنگ بھی دی گئی۔ شاہی جوڑے نے مقامی لوگوں سے ملاقاتیں بھی کیں۔

شاہی جوڑے کا کہنا تھا کہ وہ جاننا چاہتے ہیں کہ موسماتی تبدیلیوں کے منفی اثرات سے بچنے کے لیے کیا اقدامات اٹھائے جا سکتے ہیں۔

شاہی جوڑے کو برطانیہ کی سابقہ شہزادی ڈیانا کی ایک تصویری البم تحفے میں دی گئی۔ شہزادی ڈیانا نے بھی انیس سو نوے کی دہائی میں اسی علاقے کا دورہ کیا تھا۔

شاہی جوڑے نے مقامی افراد کے ہمراہ کیلاش کا روایتی رقص بھی دیکھا۔