سمارٹ یا پھر سیکسی، شوبز میں خواتین کی کمائی مردوں سے کہیں زیادہ

کمائی کے حوالے سے میگزین فوربز نے ایک تازہ فہرست جاری کی ہے۔ اس فہرست میں شوبز کی تیس سال سے کم عمر شخصیات شامل کی گئی ہیں۔ دنیا بھر میں سب سے زیادہ پیسہ کمانے والی دس شخصیات میں سے سات خواتین ہیں اور لیڈی گاگا اس فہرست میں سب سے اوپر ہیں۔ ستائیس سالہ لیڈی گاگا نے گزشتہ سال تقریباﹰ اسّی ملین ڈالر کمائے، جو بذات خود ایک ریکارڈ ہے۔

لیڈی گاگا تو اس سے بھی کہیں زیادہ کما سکتی تھیں لیکن ان کا كولہا زخمی ہو گیا تھا جس کے نتیجے میں انہیں اپنے چار ٹورز منسوخ کرنے پڑے تھے۔ جب وہ بیمار تھیں تو وہ چوبیس کیرٹ کے سونے سے بنی ہوئی وہیل چیئر استعمال کرتی نظر آئیں۔ ان کی کمائی نے کینیڈا کے انیس سالہ پاپ اسٹار جسٹن بيبر کو بھی بونا ثابت کر دیا ہے، گزشتہ برس ان کی کمائی تقریباﹰ اٹھاون ملین ڈالر تھی۔

ڈی جے اور پروڈیوسر کیلوئن ہیرس مردوں میں سب سے زیادہ کمائی کرنے والے دوسرے شخص ہیں۔ انہوں نے گزشتہ سال چھیالیس ملین ڈالر کمائے۔ ٹاپ ٹین میں ان دونوں کے علاوہ صرف اداکار ٹیلر لٹنر ہی جگہ بنا پائے ہیں، جن کی کمائی بائیس ملین رہی۔ ویسے تو یہ تینوں مرد ٹاپ ٹین کی فہرست میں جگہ بنانے میں کامیاب رہے ہیں لیکن حقیقت میں یہ خواتین کا مقابلہ نہ کر پائے۔

عورتوں سے متعلق ویب سائٹ جیزبیل ڈاٹ کام کی بلاگر کیٹ ڈریز کا کہنا ہے، ’’یہ فہرست بتاتی ہے کہ کس طرح آج کے دور میں میوزیشن پیسے بنا سکتے ہیں۔ یہ خواتین نہ صرف میوزیشن ہیں بلکہ ملٹی پرفارمر ہیں۔ اس فہرست پتہ چلتا ہے کہ خواتین برانڈ ایمبیسیڈر بن چکی ہیں۔ عام طور پر عورتیں مردوں سے کہیں زیادہ خرچ کرتی، اسی وجہ سے مارکیٹ میں بھی ان کی مانگ زیادہ ہے اور مختلف کمپنیاں اپنی پراڈکٹس بیچنے کے لیے انہی کا نام استعمال کرتی ہیں۔‘‘

کمائی کے لحاظ سے تیس سال سے کم عمر شوبز شخصیات کی فہرست کچھ یوں ہے۔

1. لیڈی گاگا (80 ملین ڈالر)

2. جسٹن بيبر (58 ملین ڈالر)

3. ٹیلر سوئفٹ (55 ملین ڈالر)

4. كیلوئن ہیرس (46 ملین ڈالر)

5. ریحانا (43 ملین ڈالر)

6. کیٹی پیری (39 ملین ڈالر)

7. اڈیل (26 ملین ڈالر)

8. جینیفر لارنس (25 ملین ڈالر)

9. كرسٹن اسٹیورٹ (22 ملین ڈالر)

10. ٹیلر لاوٹنر (22 ملین ڈالر)