دودھ اور مشروم کن بیماریوں کے خلاف مدد گار ہیں؟

امریکا کی پینسلوینیا سٹیٹ یونیورسٹی میں کی گئی ایک تازہ تحقیق میں اس بات کا جائزہ لیا گیا کہ مشروم یا کھمبی کھانے سے خون میں گلوکوز کی مقدار پر کیا اثرات مرتب ہوتے ہیں۔ مشروم در اصل ’پرو بائیوٹیک‘ یا ’جراثیم افزا‘ خوراک ہے جو ایسے بیکٹیریا پیدا کرتے ہیں جو انسانی صحت کے لیے مفید ہوتے ہیں۔

چوہوں کی مدد سے کی گئی اس تحقیق کے نتائج سے یہ معلوم ہوا ہے کہ سفید دھبوں والے مشروم کھانے سے ایسے بیکٹیریا کی افرائش ہوتی ہے جو جسم میں گلوکوز کی پیداوار پر اثر انداز ہوتے ہیں۔

محققین کا خیال ہے کہ گلوکوز متوازن کرنے کی خصوصیات کے باعث یہ مشروم خاص طور پر ذیابیطس یا شوگر کے مریضوں کے فائدہ مند ثابت ہو سکتے ہیں۔

اسی تحقیق میں یہ بھی بتایا گیا ہے کہ مشروم کی طرح گلوکوز پیدا کرنے کی خصوصیت دودھ میں بھی پائی جاتی ہے اور ناشتے میں دودھ کے استعمال سے دن بھر خون میں گلوکوز کی سطح کم رہتی ہے۔

تحقیقی جائزے کے سربراہ ڈاکٹر ایچ ڈگلس گوف کا کہنا تھا، ’’اس تحقیقی سے ناشتے میں دودھ کے استعمال کی اہمیت اور افادیت کی تصدیق ہوئی ہے۔ دودھ کے باعث خوراک ہضم کرنے کی رفتار سست اور خون میں شوگر می سطح کم ہو جاتی ہے۔‘‘

ش ح / ا ا (لاریسا وارنیک)