جرمنی: مہاجرین کی رہائش گاہ میں آتش زدگی، دس افراد زخمی

جرمن پولیس کے مطابق مغربی جرمن شہر بیرگش گلاڈباخ میں پناہ گزین کی رہائش کے لیے استعمال کیے جانے والے ایک کنٹینر میں آگ لگنے سے نو افراد شدید زخمی جبکہ ایک شخص کو معمولی زخم آئے۔ 
جرمن خبر رساں ادارے ڈی پی اے کی خبر کے مطابق ابتدائی تفتیش کے بعد جرمن پولیس کے ترجمان نے بتایا ہے کہ ’کنٹینر کو آگ لگنے کے واقعے میں ملوث انتیس سالہ رہائشی کے بارے میں شبہ ظاہر کیا گیا ہے کہ اُس نے خود کشی کرنے کی کوشش کی تھی۔

غلطی سے ملک بدر کیے گئے افغان مہاجر کی جلد جرمنی واپسی

جرمنی، تارکین وطن کے گھروں پر حملوں میں اضافہ
اس واقع میں آٹھ پناہ گزین شدید زخمی ہوئے ہیں جبکہ ایک پناہ گزین کی حالت نسبتاﹰ بہتر ہے۔ آگ لگنے کے بعد شدید دھوئیں میں سانس گھٹنے کی وجہ سے اس رہائش گاہ میں کام کرنے والا ایک شخص بھی شدید زخمی  ہے۔ 

پولیس نے متاثرہ افراد کو فوری طور پر ہسپتال منتقل کردیا ہے۔ 
 بعد ازاں جائے وقوعہ کے معائنے کے بعد فائر بریگیڈ کے عملے نے بتایا ہے کہ یہ پناہ گاہ مزید رہائش کے قابل نہیں رہی ہے۔ اس پناہ گاہ میں رہائش پذیر 56 مہاجرین کو ایک دوسری جگہ منتقل کردیا گیا ہے۔
ع  آ / ع ق (ڈی پی اے)