بنڈس ليگا: ہيمبرگ اور موئنشن گلاڈباخ کی کاميابياں

ہيمبرگ فٹ بال کلب نے اتوار کی شب کھيلے جانے والے ميچ ميں فرائی برگ کو صفر کے مقابلے ميں تين گول سے شکست ديتے ہوئے فرائی برگ کے رواں سيزن ميں اپنی پہلی کاميابی حاصل کرنے کے خواب کو چکنا چور کر ديا۔ اس ميچ ميں فرائی برگ کے گول کيپر اوليور باؤمان نے انتہائی ناقص کھيل کا مظاہرہ کيا اور ہيمبرگ کے تينوں گولوں ميں کوتاہی کا مظاہرہ کيا۔ اس کاميابی کے بعد ہيمبرگ کی ٹيم اب بنڈس ليگا کے پوائنٹس ٹيبل پر تيرہويں نمبر پر آ گئی ہے۔

دريں اثناء اتوار کے ہی روز کھيلے جانے والے ايک اور ميچ ميں موئنشن گلاڈباخ کی ٹيم نے بھی شاندار کھيل کا مظاہرہ کرتے ہوئے حريف فرينکفرٹ کی ٹيم کو ايک کے مقابلے ميں چار گولوں سے ڈھير کر ديا۔ اس فتح کے ساتھ گلاڈباخ کی ٹيم اب اپنی ميزبانی ميں کھيلے جانے والے آخری پانچوں ميچ لگاتار جيت چکی ہے۔

قبل ازيں ہفتہ چھبيس اکتوبر کے روز کھيلے گئے بنڈس ليگا کے ميچوں ميں بائرن ميونخ نے ہيرتھا برلن کو کافی تگ و دو کے بعد دو کے مقابلے ميں تين گول سے شکست دی۔ يوں ميونخ کی ٹيم اب ليگ ميں بغير کسی ناکامی کے پينتيس ميچ جيت چکی ہے۔ ہيمبرگ کے پاس چھتيس مقابلے لگاتار جيتنے کا ريکارڈ ہے۔

ہفتے کو کھيلے گئے ايک اور اہم ميچ ميں بوروسيا ڈورٹمنڈ نے شالکے کو ايک کے مقابلے ميں تين گول سے ہرايا۔ ديگر مقابلوں ميں بائر ليورکوزن نے آؤگس برگ کو دو ايک سے، ہوفن ہائم نے ہانوور کو ايک کے مقابلے ميں چار گول سے، مائنز نے براؤنشوگ کو دو کے مقابلے ميں صفر گول سے اور وولفس برگ نے بريمن کو صفر کے مقابلے ميں تين گول سے شکست دی۔ جمعے کے روز اشٹٹ گارٹ اور نيورمبرگ کے مابين کھلا جانے والا ميچ ايک ايک گول سے برابر رہا۔

اتوار کے دن کھيلے جانے والے ميچوں کے اختتام پر بنڈس ليگا ميں بائرن ميونخ کی ٹيم چھبيس پوائنٹس کے ساتھ سرفہرست ہے جب کہ دوسرے نمبر پر ڈورٹمنڈ پچيس پوائنٹس اور تيسرے نمبر پر ليور کوزن بھی پچيس پوائنٹس کے ساتھ براجمان ہيں۔