افغان طالبان کے ساتھ امن مذاکرات، اونٹ کس کروٹ بيٹھے گا؟

افغان طالبان کے ایک اہلکار نے نيوز ايجنسی ايسوسی ايٹد پريس کو بتايا ہے کہ افغان صدر حامد کرزئی کی حکومت ميں شامل کم از کم دو وزراء نے متحدہ عرب امارات ميں طالبان کے نمائندوں کے ساتھ تازہ ملاقاتيں کی ہيں۔ تاہم اس اہلکار کے بقول يہ ملاقاتيں اور اِن ميں ہونے والی بات چيت بے نتيجہ رہیں۔ اس اہلکار نے خبر رساں ادارے سے بات چيت کرتے ہوئے کہا کہ طالبان بالواسطہ ثالثی کے ليے تيار ہو سکتے ہيں، بشرطيہ کہ يہ ثالثی کوئی ايسا مذاکرات کار کرے، جو دونوں فريقين کے موقف کا خيال رکھے۔

ادھر پاکستان افغانستان ميں قيام امن کے حصول کے ليے اپنی جيلوں سے طالبان قيديوں کی رہائی کے عمل کو جاری رکھا ہوا ہے۔ البتہ پاکستان کے مشير برائے قومی سلامتی سرتاج عزيز نے اپنے ايک انٹرويو ميں کہا ہے کہ پاکستانی جيلوں سے طالبان قيديوں کی رہائی تاحال بے اثر رہی ہے اور اس کا طالبان پر اب تک کوئی اثر نہيں ہوا ہے۔ عزيز کے مطابق امريکا کے ساتھ باہمی سکيورٹی کے معاہدے پر اب تک دستخط نہ کرنے کے افغان صدر کرزئی کے فيصلے سے بھی طالبان کے موقف ميں کوئی تبديلی نہيں آئی ہے، حالانکہ اس سے بظاہر طالبان کو خوش ہونا چاہيے۔ انٹرويو ميں عزيز کا مزيد کہنا تھا، ’’طالبان ايسا سمجھتے ہيں کہ يہ سب ايک ڈرامہ ہے اور کرزئی اس معاہدے پر دستخط کر ديں گے۔‘‘

رواں برس کے اختتام تک افغانستان سے بين الاقوامی افواج کا انخلاء طے ہے۔ 2014ء کے بعد ملکی سکيورٹی ميں معاونت فراہم کرنے سميت افغان سکيورٹی دستوں کی تربيت اور ديگر کئی معاملات کے ليے واشنگٹن اور کابل کے درميان باہمی سکيورٹی کے معاہدے کو لازمی قرار ديا جا رہا ہے۔ اس معاہدے کو حتمی شکل ديے جانے کے نتيجے ميں چند امريکی فوجی افغان سرزمين پر ہی تعينات رہ سکيں گے۔ تاہم قومی اور عالمی سطح پر دباؤ کے باوجود صدر کرزئی نے تاحال اس معاہدے پر دستخط نہيں کيے ہيں۔ وہ دستخط کو اپريل ميں ہونے والے انتخابات تک موخر کرنے کے اپنے موقف پر ڈٹے ہوئے ہيں۔

برسلز ميں قائم ’انٹرنيشنل کرائسس گروپ‘ سے تعلق رکھنے والے افغان امور کے ايک سينئر تجزير کار گريم اسمتھ کا کہنا ہے کہ ہر ايک اپنی مخصوص جگہ سے ہلنے کو تيار نہيں۔ نيوز ايجنسی اے پی کو ارسال کردہ ايک ای ميل پيغام ميں انہوں نے کہا کہ تمام فريقين سياسی تفريق کو دور کرنے ميں ناکام رہے ہيں۔ اسمتھ کا مزيد کہنا ہے، ’’باغی ہزاروں کی تعداد ميں بين الاقومی فوجيوں کو ملک چھوڑتے ہوئے ديکھيں گے اور وہ يہ سوچ بيٹھيں گے کہ اس پيش رفت سے عسکری توازن ان کے حق ميں چلا جائے گا۔ دوسری جانب حکومت يہ سوچے بيٹھی ہے کہ سرکاری دستے ملکی سکيورٹی کی ذمہ دارياں کاميابی کے ساتھ نبھا ليں گے۔‘‘ ’انٹرنيشنل کرائسس گروپ‘ سے تعلق رکھنے والے اس تجزير کار کے مطابق انخلاء کے فوری بعد جنگی ميدان میں فریقین کی تجربہ کاری ممکنہ تصادم کا سبب بن سکتی ہيں۔