اسپین کو افرادی قوت کی ضرورت، ورک پرمٹ و طلبہ ویزے دستیاب

یورپی ملک اسپین کو روزگار کی منڈی میں افرادی قوت کی ضرورت ہے۔ سوشل سکیورٹی اور مائیگریشن کے وزیر یوزے لوئیس ایسکریوا نے گزشتہ ہفتے ذرائع ابلاغ کے نمائندوں سے بات چیت کرتے ہوئے حکومتی منصوبوں کے بارے میں باقاعدہ طور پر آگاہ کیا۔ ان کے بقول سیاحت، ٹیکنالوجی اور تعمیراتی کاموں کی صنعت میں افرادی قوت کی قلت ہے، جس کی وجہ سے اسپین کی اقتصادی ترقی اور معیشت کی بحالی منفی طور پر متاثر ہو رہی ہے۔

اس مسئلے کے حل کے لیے ہسپانوی حکومت جلد ہی سیاحت اور تعمیراتی سیکٹرز میں عارضی مدت کے لیے ویزے اور ورک پرمٹ جاری کرنے کا منصوبہ رکھتی ہے۔  لوئیس ایسکریوا نے کہا، ''ہم ہجرت سے متعلق قوانین کا جائزہ لے رہے ہیں کہ ان میں کہاں بہتری کی گنجائش ہے۔ اس کا مقصد اسپین کو درپیش افرادی قوت کی کمی کے مسئلے کا حل تلاش کرنا ہے۔‘‘

اسپین پہنچنے کے خواہش مند 4,400 افراد لاپتہ ہوئے، مانیٹرنگ گروپ

پاکستانیوں کو یورپی یونین پہنچانے والا اسمگلروں کا بڑا گروہ گرفتار

اسپین میں حنوط شدہ نایاب جانوروں کی بڑی تعداد برآمد

ہسپانوی حکومت یورپی یونین سے باہر کے ملکوں کے شہریوں کو تقریباً 50,000 وزے دینے کا منصوبہ رکھتی ہے۔ یہ ویزے طلبہ کو جاری کیے جائیں گے اور انہیں اسپین میں تعلیم کے ساتھ کام کرنے کی اجازت دی جائے گی۔ منصوبے کے تحت ان افراد کو بھی ویزے جاری کیے جائیں گے، جو خاندان کے کسی رکن، سابقہ طور پر رہائش یا کم از کم دو سال کی ملازمت کے ذریعے اسپین سے تعلق کے شواہد پیش کر سکیں۔ چاہے یہ سب غیر رسمی ہی کیوں نہ ہو۔

امیگریشن قوانین میں ترامیم کے مسودے میں جن ملازمتوں کا بالخصوص ذکر کیا گیا ہے، ان میں ٹیلی مارکیٹنگ کرنے والے، سیلز نمائندگان، ڈلیوری کی گاڑیاں اور سافٹ ویئر ڈیولپرز نمایاں ہیں۔

اسپین کی سیاحت کی صنعت نے مضبوط ریکوری کی ہے، یعنی کورونا کے بعد اس میں بہتری آ رہی ہے مگر کمپنیاں ایسے کارکنوں کی تلاش میں ہیں جو ریستورانوں میں ویٹرز کے طور پر کام کر سکیں اور ہوٹل کے کمرے صاف کر سکیں۔ اس سیکٹر میں افرادی قوت کی کمی البتہ یورپ بھر میں ایک مسئلہ ہے۔

اعداد و شمار سے ظاہر ہوتا ہے کہ اسپین میں کئی کاروبار لیبر کا کمی کی وجہ سے ترقی نہیں کر پا رہے۔ یہ خدشہ بھی ہے کہ اسی وجہ سے اسپین کے وبا کے بعد اقتصادی نمو کے یورپی فنڈڈ منصوبے بھی منفی طور پر متاثر ہو سکتے ہیں۔

کورونا کی وبا کے دوران ہسپانوی معیشت یورو زون کی سب سے زیادہ متاثرہ معیشت تھی۔ سن 2020 میں وہ گیارہ فیصد گھٹی۔

ع س / ع ت (روئٹرز)