احتساب عدالت نے مریم نواز کے خلاف درخواست خارج کر دی

اسلام آباد میں قائم احتساب عدالت کے جج محمد بشیر نے پاکستان کے قومی احتساب بیورو (نیب) کی طرف سے جمع کرائی گئی اس درخواست کو ناقابل سماعت قرار دیتے ہوئے اسے خارج کر دیا۔

نیب کا الزام ہے کہ مریم نواز شریف نے لندن کے علاقے ایون فیلڈ میں موجود اپنی جائیداد کی خرید کے حوالے سے جو دستاویزات جمع کرائی تھیں وہ جعلی تھیں اسی لیے پاکستان مسلم لیگ نون کی رہنما مریم نواز شریف کے خلاف دھوکہ دہی کا مقدمہ قائم کیا جائے۔

2017ء میں نیب نے سابق وزیر اعظم نواز شریف کے خلاف غیر قانونی ذرائع سے غیر ممالک میں جائیدادیں بنانے کے خلاف تحقیقات کا آغاز کیا تھا۔ یہ تحقیقات پانامہ پیپرز کے سامنے آنے کے بعد شروع ہوئی تھیں۔
نیب کی ٹیم کی طرف سے موقف اختیار کیا گیا تھا کہ مریم نواز شریف کی مبینہ غیر ملکی جائیداد کی ملکیت کے حوالے سے جو دستاویزات داخل کرائی گئی تھیں وہ جعلی تھیں۔

ا ب ا / ع ا (خبر رساں ادارے)