نئی دہلی میں گرمی، پانی کی قلت

موسم گرما کے دوران جب پانی کی قلت ہو جاتی ہے تو بھارتی دارالحکومت میں سینکڑوں افراد کی زندگی اجیرن بن جاتی ہے۔ شدید گرمی میں جب نئی دہلی میں پانی غائب ہو جاتا ہے تو لوگ بے بس سے ہو جاتے ہیں۔

نئی دہلی کے جنوب میں واقع ایک کچی آبادی، جہاں پانی کی سہولت میسر نہیں ہے، پانی تقسیم کیا جا رہا ہے۔ یہاں بھارت بھر سے کام کے غرض سے آئے ہوئے لوگ رہتے ہیں۔

ایک کچی آبادی میں ایک خاتون پانی کے حصول کے لیے لڑ رہی ہے۔ یہاں پانی میونسپل کارپوریشن کی طرف سے مہیا کیا جاتا ہے۔ اگرچہ یہاں ٹینکرز کے ذریعے پانی کی فراہمی مفت ہے تاہم کچھ مقامات پر لوگ پانی حاصل کرنے کے لیے رشوت دینے پر مجبور ہیں۔

پانی کا انتظار کرنا، یہاں لوگوں کا معمول ہے۔ جب یہاں ٹینکرز کے ذریعے پانی لایا جاتا ہے تو لوگ اسے حاصل کرنے کے لیے جلد بازی کرتے ہیں، یوں پانی ضائع بھی ہو جاتا ہے۔

پانی کی انتہائی شدید قلت سے ان علاقوں میں صورتحال انتہائی ابتر ہو جاتی ہے۔ ایک خاتون پانی سے بھرا ڈرم اپنے کندھوں پر اٹھائے گھر جا رہی ہے۔

نئی دہلی میں آباد بہت سے لوگوں کے لیے پائپ کے ذریعے گھر میں پانی دستیاب ہو جانا ایک خواب ہے۔ ایک شخص حکومتی ٹینکرز سے اپنے روزمرہ کی ضروریات کے لیے پانی بھر کر گھر جا رہا ہے۔

لوگ اپنی ضروریات کے مطابق جتنا بھی پانی بھر کر گھر لے جاتے ہیں، لیکن وہ ان کی ضروریات کے لیے پورا نہیں ہوتا۔