قدرتی حسن کی انعام یافتہ سحر انگیز تصاویر
جنگلی حیات کی تصاویر کھینچنے پر اسکائی میکر کو سال 2018ء کے بہترین نوجوان فوٹو گرافر کا انعام دیا گیا ہے۔ جنوبی افریقہ سے تعلق رکھنے والے میکر نے ڈی ڈبلیو کو بتایا کہ انہوں نے فوٹو گرافی کیسے شروع کی؟
سنہری جوڑا
2018ء کے گرینڈ ٹائٹل جیتنے والی اس تصویر میں چھوٹی ناک والے بندروں کے ایک جوڑے کو دیکھا جا سکتا ہے۔ یہ دونوں نیچے وادی میں دو بندروں کی لڑائی کو بہت غور سے دیکھ رہے ہیں۔
دلکش مقابلہ
یہ بلیجیم کے آردینس جنگلات کا اس وقت کا منظر ہے، جب طوفانی بادل ابھی اکٹھے ہو رہے ہیں۔ اس موسم میں یہ دو ہرن ایک ہرنی کے لیے دھاڑ رہے ہیں اور ایک دوسرے سے مقابلہ کر رہے ہیں۔
کاہل چیتا
اسکائی میکر نے اپنےکیمرے کی آنکھ میں درخت کی شاخ پر سستاتے ہوئے ایک چیتے بند کیا ہے۔ یہ تصویر افریقی ملک بوٹسوانا کی ہے۔
خوبصورت بطخ
ناروے میں اس نوجوان فوٹو گرافر نے انتہائی پرسکون لمحات میں طویل دم والی اس بطخ کی یہ تصویر کھینچی ہے۔ مارچ کے موسم میں اتنی قریب سے اس بطخ کی تصویر کھینچنے کے لیے علی الصبح ہی اٹھنا پڑتا ہے کیونکہ ہلکی پھلکی ٹھنڈ کی وجہ سے یہ بطخیں روشنی ہوتے ہی ساحل کی جانب اڑ جاتی ہیں۔
پائپ میں بیٹھے ہوئے الو
ایک ناکارہ پائٹ میں بیٹھے ہوئے یہ دو نو عمر الو( الو کے پٹھے) نوجوان فوٹر گرافر اسکائی میکر کو بڑے غور سے دیکھ رہے ہیں۔ یہ تصویر بھارتی ریاست پنجاب کے شہر کپورتھالا کی ہے۔
سیل یعنی سگ ماہی کا بستر
قطب جنوبی میں برف کے ایک ٹکڑے کو متعدد سیلز ( سگ ماہی) نے اپنا بستر بنایا ہوا ہے۔ یہ جانور کثیر تعداد میں پائے جاتے ہیں اور ان میں کمی کے کوئی شواہد موجود نہیں ہیں۔
انڈوں کے لیے پناہ گاہ کی کھدائی
مغربی آسٹریلیا میں ایک قدرتی پناہ گاہ میں موجود بھڑ کی ایک خاص قسم کے یہ حشرات اپنے انڈے چھپانے کے لیے ایک محفوظ جگہ کی تیاری میں مصروف ہیں۔ ان انڈوں کے ساتھ کچھ خوراک بھی رکھی جاتی ہے تا کہ ان بھڑوں کے نومولود بچوں کو فاقہ کشی نہ کرنا پڑے۔
خون کی پیاسی
گالاپوگاس جزائر پر جب پودے اور کیڑے خشک ہو جاتے ہیں تو یہ چڑیا خونخوار ہو جاتی ہے۔ اس کا نشانہ یہاں پایا جانے والا ’ نازکا بوبیس‘ نامی پرندہ ہوتا ہے۔ زندہ رہنے کے لیے اپنی باریک اور نوکیلی جونچ کے ذریعے یہ چڑیاں نازکا بوبیس کا خون چوستی ہیں۔
غمزدہ گوریلا
یوگینڈا کے انتہائی گھنے ’بونڈی‘ جنگل میں یہ مادہ گوریلا اپنے مردہ بچے کو چھوڑنا نہیں چاہتی تھی۔ اس جنگل میں داخل ہونا بہت یہ دشوار ہے۔ کئی ہفتوں بعد اس مادہ گوریلا نے اپنے بچے کی بچی کچی لاش کھا لی تھی۔
مضبوط گرفت
شمالی پانیوں میں پایا جانے والا ایک سمندری سانپ آبی جانور ’ہیل بینڈر‘ کی گرفت میں ہے۔شمالی امریکا کے ٹینیسی ٹیلیکو دریا میں ہیل بینڈر کی موجودگی صحت مند میٹھے پانی کے ایکو سسٹی کی نشاندہی کر رہا ہے۔ یہ سانپ خود کو اس بھوکے ہیل بینڈر کے چنگل سے آزاد کرانے میں کامیاب ہو گیا تھا۔
افسردہ مسخرہ
ٹمبل نامی یہ لنگور بار بار اپنے چہرے پر ہاتھ رکھ کر یہ بتانا چاہ رہا کہ یہ ماسک اسے بہت تنگ کر رہا ہے۔ اس لنگور کا مالک اسے ایک شو کے لیے تیار کر رہا ہے۔ جب اس کی تربیت نہیں کی جاتی یا اسے کسی شو میں کارکردگی نہیں دکھانی ہوتی تو اسے پٹری کے قریب زنجیر سے باندھ دیا جاتا ہے۔
رات کی پرواز
امریکا کی ریاست فلوریڈا کے ’پام بیچ‘ پر فوٹو گرافر نے رات کی تاریکی میں اڑنے والی مچھلی کی یہ تصویر کھینچی ہے۔ دن کی روشنی میں ان مچھلیوں کے قریب پہنچنا تقریباً نا ممکن ہوتا ہے۔ کئی جانوروں کا یہ پسندیدہ شکار ہیں۔ یہ مچھلیاں غیر معمولی صلاحیت کی حامل ہوتی ہیں۔
نگران ماں
الکزمے نسل کا یہ بڑا مادہ ٹڈا ایک ’نائٹ شیڈ پلانٹ‘ پر اپنے لاروا کو غزا پہنچا رہا ہے۔ اس نے اس درخت کے ایک پتے پر انڈے دیے اور پھر ان کی نگرانی کی۔ کسی بھی خطرے کی صورت میں یہ ٹڈی ان انڈوں کو تحفظ بھی فرام کرتی ہے۔