سری لنکاکادورہ انگلیڈ ملتوی
24 اکتوبر 2008اشتہار
سری لنکن کھلاڑیوں کوانڈین پریمیئر لیگ کے دوسرے سیزن میں شرکت کی اجازت دینےاوربھارتی کرکٹ بورڈ کے ساتھ 70ملین ڈالرز کے مجوزہ معاہدے کے بعد سری لنکا کا دورہ انگلینڈ مشکل میں دکھائی دے رہا تھا۔
انگلینڈ اینڈ ویلز کرکٹ بورڈ کے چیئرمین جائلز کلارک نے انٹرنیشنل کرکٹ کونسل کو مطلع کردیا ہے کہ دونوں بورڈز باہمی رضامندی سے دورہ ری شیڈول کرنے پر راضی ہوگئے ہیں۔ سری لنکا کی جانب سے اہم کھلاڑیوں کی غیر موجودگی میں دوسرے درجے کی ٹیم کی انگلینڈ روانگی سے انگلینڈ اینڈ ویلز کرکٹ بورڈ کو ٹکٹوں کی فروخت میں خسارے کا سامنا کرنا پڑسکتا تھا۔
سری لنکا کا دورہ ملتوی ہونے کے بعد توقع کی جارہی ہے کہ انگلینڈ اب ویسٹ انڈیز کو مدعو کرے گا۔ ویسٹ انڈیز کے کچھ کھلاڑیوں کا بھی انڈین پریمیئر لیگ سے معاہدہ ہے تاہم امید ہے کہ وہ ویسٹ انڈین اسکواڈ کا حصہ ہوں گے۔