سرمائی اولمپکس میں جرمن ایتھلیٹس کی شاندار کارکردگی
سن 2018 کے سرمائی اولمپکس کا میزبان شہر جنوبی کوریا کا پیونگ چنگ ہے۔ اس اولمپکس کے پہلے ہفتے میں جرمن ایتھلیٹس کی کارکردگی شاندار رہی ہے۔
لارا ڈاہلمیئر
لارا ڈاہلمیئر نے خواتین کے بائی ایتھلون ڈسپلن میں اپنے ملک جرمنی کے لیے سب سے پہلا گولڈ میڈل حاصل کیا۔ وہ بائی ایتھلون کے مقابلوں میں دو طلائی اور ایک کانسی کا میڈل جیت پائی ہیں۔
نتالی گیزنبیرگر
تیس سالہ نتالی گیزنبیرگر نے لُوژ گیم کے انفرادی مقابلوں میں گولڈ میڈل حاصل کیا۔ انہوں نے تیرہ فروری کو طلائی تمغہ جیتا تھا۔
اندریاس ویلنگر
اندریاس ویلنگر نے دس فروری کو اسکی جمپنگ کے معمول کے مقابلوں میں پہلی پوزیشن حاصل کرتے ہوئے گولڈ میڈل حاصل کیا۔
الژونا ساوچینکو اور برونو ماسکوٹ
اس جرمن جوڑے نے فگر اسکیٹنگ کے ڈسپلن میں غیر معمولی پرفارمنس دیتے ہوئے طلائی تمغہ حاصل کیا۔ الژونا ساوچینکو یوکرائنی نژاد جرمن ہیں۔
ٹوبیاس وینڈل اور ٹوبیاس آرلٹ
پیونگ چنگ سرمائی اولمپکس میں لُوژ ڈسپلن کے ٹیم مقابلوں میں ٹوبیاس وینڈل اور ٹوبیاس آرلٹ کو اول پوزیشن حاصل ہونے پر گولڈ میڈل دیا گیا۔
ایرک فرینزل
ایرک فرینزل نے انتہائی مشکل ڈسپلن نارڈک کمبائنڈ میں گولڈ میڈل جیتا۔ اس مقابلے میں ایک ایتھلیٹس کو تقریباً چھیالیس کلومیٹر کا پہاڑی و میدانی برفانی راستے کو طے کرنا پڑتا ہے۔ یہ مقابلہ تین ایام پر محیط ہوتا ہے۔
نتالی گیزنبیرگر اور داژانا آئیٹبیرگر
پیونگ چنگ ونٹر المپک گیمز میں لُوژ کے انفرادی مقابلوں میں گولڈ میڈل جیتنے والی نتالی گیزنبیرگر اور دوسری پوزیشن کے ساتھ چاندی کا تمغہ جیتنے والی خاتون ایتھلیٹ داژانا آئٹبیرگر ہیں۔
کاٹارینا آلٹہاؤس
کاٹارینا آلٹہاؤس نے اسکی جمپنگ کے انفرادی مقابلوں میں دوسری پوزیشن حاصل کرتے ہوئے چاندی کا تمغہ جیتا۔ اسی ڈسپلن میں مردوں کے انفرادی مقابلوں میں جرمن ایتھلیٹ گولڈ میڈل جیتنے میں کامیاب