جرمن وزیر خارجہ چین میں
13 جون 2008اشتہار
تبت سے متعلق جرمن پالیسیوں کے بارے میں اختلافات کے دُور ہونے کے بعد سے شٹائن مائر کا عوامی جمہوریہء چین کا یہ پہلا دَورہ ہے۔
اِس کے آغاز پر اُنہوں نے اپنے چینی ہم منصب ژانگ جِیَہ چی کے ساتھ ملاقات کی۔ بعد ازاں دونوں وُزرائے خارجہ نے ایک مشترکہ پریس کانفرنس سے خطاب کرتے ہوئے بتایا کہ دونوں ملک گذشتہ سال تعطل کا شکار ہونے والی مکالمت کا سلسلہ پھر سے شروع کرنے جا رہے ہیں۔ اِس کے فوراً بعد شٹائن مائر وزیر اعظم وَین ژِیا باؤ سے مل رہے ہیں۔ اِس وِیک اَینڈ پر جرمن وزیر خارجہ چین کے زلزلے سے متاثرہ علاقے سِچوان بھی جائیں گے، تاکہ وہاں جرمن امدادی تنظیموں کی سرگرمیوں سے آگاہی حاصل کر سکیں۔