امریکہ: کملا ہیرس کے نائب صدارتی امیدوار ٹم والز کون ہیں؟

امریکہ میں ڈیموکریٹک پارٹی کی صدارتی امیدوار کملا ہیرس نے اپنے لیے نائب صدر کے امیدوار کا انتخاب مینیسوٹا کے گورنر ٹم والز کا کیا ہے۔ دونوں نے منگل کے روز اپنے پہلے مشترکہ انتخابی جلسے سے خطاب کیا۔ والز نے اپنی تقریر کے دوران سابق صدر ڈونلڈ ٹرمپ اور ان کے نائب صدارتی امیدوار کے خلاف ایسے تیکھے حملے کیے کہ ان کے ہر جانب چرچے ہو رہے ہیں۔

کملا ہیرس بھارتی نژاد ہیں یا سیاہ فام؟ نسلی شناخت پر ٹرمپ کا سوال

والز نے ریاست پنسلوانیا کے سب سے بڑے شہر فلاڈیلفیا میں دس ہزار افراد کی گنجائش والے میدان میں سامعین کو خطاب کرتے ہوئے کہا، "ڈونلڈ ٹرمپ دنیا کو مختلف انداز سے دیکھتے ہیں۔ انہیں خدمت کے بارے میں پہلی چیز تک نہیں معلوم، کیونکہ وہ اپنی ہی خدمت کرنے میں بہت مصروف رہتے ہیں۔"

کملا ہیرس کا غزہ جنگ کے خاتمے پر زور، اسرائیلی قیادت ناراض

ٹم والز نے اس ریلی کو اپنا تعارف کرانے کے لیے استعمال کیا اور اپنی فوجی خدمات سمیت کانگریس میں اپنے وقت کا ذکر کیا۔

'ٹرمپ انتشار اور تقسیم کا بیج'

والز نے ٹرمپ اور ان کے نائب صدارتی امیدوار سینیٹر جے ڈی وینس کی سخت الفاظ میں تنقید کی اور کہا، "وہ ہمارے قوانین کا مذاق اڑاتے ہیں، وہ افراتفری اور تقسیم کا بیج بوتے ہیں اور یہ کہ کووڈ بحران کے دوران صدر کے طور پر تو وہ مفلوج ہو گئے تھے۔ انہوں نے ہماری معیشت کو زمین بوس کر دیا اور کوئی غلطی نہ کریں، ان کے دور میں پرتشدد جرائم عروج پر تھے۔"

ٹرمپ کملا ہیریس کے ساتھ ٹیلی ویژن پر مباحثے سے ہچکچاتے رہے ہیں۔ والز نے اس پر طنز کستے ہوئے کہا، "میں اس بندے سے بحث کرنے کا مزید انتظار نہیں کر سکتا۔"

امریکہ: بائیڈن صدارتی دوڑ سے دستبردار اور کملا ہیرس کی حمایت فیصلہ

ہیرس کی والز کے حق میں وکالت

کملا ہیرس نے اپنے رننگ میٹ ٹم والز کے کارناموں کی تعریف کی اور کہا: "جس دن سے میں نے اپنی امیدواری کا اعلان کیا، اسی روز سے مجھے ایک ایسے پارٹنر کو تلاش کرنے کا ارادہ تھا، جو اس روشن مستقبل کی تعمیر میں مدد کر سکے۔"

کملا ہیرس ایران سے کیسے نمٹیں گی؟

انہوں نے کہا کہ والز "اس قسم کا شخص ہے، جو لوگوں کو یہ محسوس کرتا ہے کہ ان بھی ربط و تعلق ہیں اور پھر انہیں بڑے خواب دیکھنے کی ترغیب بھی دیتا ہے۔"

ص ز/ ج ا (اے ایف پی، اے پی)