افغان باکسر نے ’فائٹ فار پيس‘ مقابلہ جيت ليا

جرمن خبر رساں ادارے ڈی پی اے کے مطابق افغان دارالحکومت کابل ميں منگل کے روز منعقد ہونے والے اس مقابلے ميں حامد رحيمی نے افريقی ملک تنزانيہ سے تعلق رکھنے والے باکسر سيد امبيلوا کو ساتويں راؤنڈ ميں ٹيکنيکل ناک آؤٹ کر ديا۔ رحيمی کے زور دار مکوں کی وجہ سے مقابلے کے ساتويں راؤنڈ يا مرحلے کے دوران امبيلوا کے کندھے ميں چوٹ آئی جس کے بعد وہ کھيل جاری نہ رکھ سکے۔ نتيجتاً افغان باکسر نے ورلڈ باکسنگ آرگنائزيشن کا انٹر کانٹينينٹل چيمپئن شپ ٹائٹل جيت ليا۔

نيوز ايجنسی ڈی پی اے کے مطابق کابل ميں اس بين الاقوامی ميچ کو ديکھنے کے ليے تين ہزار سے زائد افراد موجود تھے۔ ميچ جس جگہ پر منعقد ہوا وہاں سکيورٹی کے سخت انتظامات کيے گئے تھے۔ اس کے علاوہ يہ ميچ ٹيلی وژن پر براہ راست نشر بھی کيا گيا اور لاکھوں افراد نے اپنے اپنے گھروں سے ميچ کو ديکھا۔

مقابلے کے اختتام پر اپنی فتح کے بارے ميں بات کرتے ہوئے حامد رحيمی نے کہا کہ ’افغانستان‘ اس ٹائٹل کا حقدار ہے۔ لوگوں کے پر جوش استقبال کے دوران اپنی بيلٹ بلند کرتے ہوئے رحيمی نے کہا، ’يہ اعزاز افغانستان کے ليے ہے، ميرے ليے نہيں‘۔

واضح رہے کہ حامد رحيمی گزشتہ بيس برس سے جرمنی ميں رہائش پزير ہيں۔

خبر رساں ادارے اے ايف پی کے مطابق بدھ کے روز جاری کردہ ايک بيان ميں افغان صدر حامد کرزئی نے حامد رحيمی کے اس فتح کو سراہتے ہوئے رحيمی اور افغان عوام کو مبارک باد پيش کی۔

'فائٹ فار پيس‘ نامی يہ مقابلہ کھيلوں کی دنيا ميں افغانستان کی ايک اور کاميابی کی صورت ميں سامنے آيا ہے۔ اس سے قبل افغان فٹبال ليگ بھی سرخيوں ميں رہ چکی ہے۔

as / ai (dpa)