افغانستان میں ’بھارتی قونصل خانے پر بم حملے کا منصوبہ ناکام‘
26 اکتوبر 2016افغانستان کے دارالحکومت کابل سے بدھ چھبیس اکتوبر کو ملنے والی خبر رساں ادارے روئٹرز کی رپورٹوں کے مطابق جن دو افراد کو گرفتار کیا گیا ہے، ان کے قبضے سے دھماکا خیز مواد کے علاوہ بم بنانے کا دیگر سامان بھی برآمد کیا گیا ہے۔
افغانستان: نئے بھرتی ہونے والے بارہ فوجی ہلاک
افغانستان میں بھارتی قونصلیٹ پر خودکش حملہ اور فائرنگ
’پاکستانی قونصلیٹ پر حملہ ہم نے کیا‘، داعش کا اعتراف
افغانستان: پاکستانی قونصلیٹ پر حملہ
ہندو کش کی اس ریاست کے انٹیلیجنس ادارے نیشنل ڈائریکٹوریٹ آف سکیورٹی (NDS) نے آج جلال آباد میں بھارتی قونصل خانے پر بم حملے کے اس مبینہ منصوبے اور دو ملزمان کی گرفتاری کی تصدیق تو کی ہے لیکن یہ نہیں بتایا کہ گرفتار شدگان کس ملک کے شہری ہیں۔
روئٹرز نے اس بارے میں اپنی رپورٹوں میں لکھا ہے کہ اہم بات یہ بھی ہے کہ دو مبینہ حملہ آوروں کی یہ گرفتاری ایک ایسے وقت پر عمل میں آئی ہے جب کشمیر میں کنٹرول لائن پر پاکستان اور بھارت کے فوجی دستوں کے مابین بار بار ہونے والے فائرنگ کے تبادلے کے باعث نئی دہلی اور اسلام آباد کے درمیان کشیدگی اپنے عروج پر ہے اور ابھی اسی ہفتے پاکستانی صوبہ بلوچستان کے دارالحکومت کوئٹہ میں پولیس اہلکاروں کی ایک ٹریننگ اکیڈمی پر کیے جانے والے خود کش دہشت گردانہ حملوں میں 60 سے زائد افراد ہلاک بھی ہوئے ہیں۔
مشرقی افغانستان کے شہر جلال آباد میں قائم بھارتی قونصل خانہ نہ صرف پاک افغان سرحدی علاقے سے زیادہ دور نہیں ہے بلکہ ماضی میں اسے متعدد مرتبہ مختلف ہلاکت خیز بم حملوں کو نشانہ بھی بنایا جا چکا ہے۔