اسرائیل: پہلی بار یوم کِپور جنگ سے متعلق دستاویزات عام

اسرائیل نے یوم کِپور جنگ کے پچاس سال بعد عرب ریاستوں سے ہونے والی اپنی لڑائی کے بارے میں متعدد دستاویزات، ویڈیو اور آڈیو ریکارڈنگز عام کر دی ہیں۔ جمعرات کے روز اسرائیلی اسٹیٹ آرکائیوز نے 1400 دستاویزی فائلوں سمیت تقریباً 1000 تصاویر، 850 آڈیو اور ویڈیو ریکارڈنگز کے ساتھ ساتھ 250 سے زائد ہاتھ سے لکھی گئی تحریریں شائع کی ہیں۔

ریاستی آرکائیوسٹ روتی ابرامووٹز نے کہا کہ اس مواد کی چھانٹی اور پروسیسنگ میں اڑھائی سال کا وقت لگا۔ ان کے بقول، ''اس کا مقصد اس جنگ کے ان تمام پہلوؤں کو دکھانا تھا، جنہوں نے اسرائیل میں تمام شعبہ ہائے زندگی کو متاثر کیا۔‘‘

چھ اکتوبر 1973ء کو مصر اور شام کی قیادت میں عرب ریاستوں کے اتحاد نے یہودی کیلنڈر کے مقدس ترین دن یوم کپور پر غیر متوقع طور پر اسرائیل پر حملہ کر دیا تھا۔ اسے تنازعے کو چوتھی 'عرب اسرائیل جنگ‘ کے نام سے بھی جانا جاتا ہے۔ یہ معرکہ 19 دن تک جاری رہا۔ یہ لڑائی بنیادی طور پر جزیرہ نما سینائی اور گولان کی پہاڑیوں پر ہوئی۔ اسرائیلی ریکارڈ کے مطابق لڑائی کے دوران اس کے 2656 فوجی مارے گئے تھے۔

ش ر⁄ ا ا (ڈی پی اے)