چین: د یوه پُل د نړیدو پيښه کې ۱۱ تنه مړه شوي
۱۴۰۳ تیر ۳۰, شنبه
اعلان
د چین دولتي رسنیو د شنبې (د جولای میاشتې ۲۰ نیټه) په ورځ رپوټ ورکړی دی چې د دغه هیواد په شمال لویديځ کې د بهیدونکي سیند پر سر د یوې لویې لارې (موټر وی) پول د نړیدو په پيښه کې لږ تر لږه ۱۱ تنه مړه شوي دي.
د چین د رسمي خبري آژانس شین هوا، په حواله پُل د جمعې په ماښام د شانشي ایالت په ژاشوا ښار کې نړیدلی دی.
اټکل کیږي چې د ورښتونو له کبله رامنځته شوی سیل د پُل د نړیدو سبب شوی وي. د چین ولسمشر شي جن پنګ د ژغورنې د جدي اقداماتو امر کړی دی.
ژغورونکې عمله توانیدلې ده چې د سیمه ایز وخت مطابق د شنبې ورځې تر سهاره پورې پنځه موټرې چې د پله د نړیدو له کبله سیند ته غورځیدلي ول را وباسي.
آژانسونه: ش.ن/ خ.ح