متحده آيالات: د ډزو په يوه پېښه کې شپږ تنه ټپيان شوي
۱۴۰۲ خرداد ۲۷, شنبه
پوليسو د خپلې دندې پرمهال يو موټر درولی و چې د شپې د نهو بجو په شاوخوا کې يې ډزې واورېدې او ورپسې يې پلټنې پيل کړې. دغه خبره د بالتيمور د پوليسو وياندې، ليندسې الريج وکړه.
امریکا: د خریدارۍ په یوه مرکز کې ډزو مرګ ژوبله اړولې ده
نوموړې په يو ايميل يا برېښناليک کې زياته کړې چې پوليسو ورپسې د ايست کولد سپرينګ لېن او يورک روډ سړکونو په دوه لاري کې درې نارينه وليدل چې »ټولو پر خپلو بدنونو ژوند ته ګواښ نه پېښونکي د وسلې ټپونه« درلودل.
زمونږ له فیسبوک شبکې پاڼې سره یوځای شئ:
زمونږ له یوټيوب شبکې سره یوځای شئ:
له دې وروسته روغتياپالانو دغه درې نارينه نزدې روغتونونو ته د درملنې له پاره ورسول. پوليسو ته بيا خبر ورکړل شو چې درې نور تنه هم ژوبل شوي دي چې د الريج په خبره، له سرسري ټپونو سره يې خپل ځانونه روغتونونو ته رسولي ول.
امريکا؛ د کلیزې په مراسمو کې ډزو مرګ ژوبله اړولې
په دغو زيانمن شوو کسانو کې د الريج د معلوماتو له مخې يوه ۱۸ کلنه ښځه او دوه ۲۲ کلن، يو ۲۶ کلن او يو ۱۷ کلن نارينه شامل ول. د بالتيمور د شمالي ناحيې پوليس اوس د ډزو د دغې پېښې په هکله خپلو پلټنو ته دوام ورکوي.
اي پي/ن.ص./ش.ن