طالبان: له احمد مسعود او اسماعیل خان سره مو لیدلي
۱۴۰۰ دی ۲۰, دوشنبه
د طالبانو ویاند ذبیح الله مجاهد رسنیو ته په یوه را استول شوي پیغام کې ویلي دي: «په دې لیدنه کې دواړو ته ډاډ ورکړل شوی دی چې پرته له کومې اندېښنې او تشویشه بیرته هیواد ته ستانه شي.»
ذبیح مجاهد زیاته کړې ده چې طالبان کوښښ کوي د هیواد راتلونکې د ټولو له پاره د ډاډ وړ کړي او چاته د مخالفت دلیل پاتې نه شي.
تر دې دمه د دغې ليدني کتني جزیات له رسینو سره نه دي شریک شوي.
تیره ورځ ځینو رسنیو داسې رپوټونه خپاره کړل چې د طالبانو د بهرنیو چارو وزیر د مقاومت جبهې له مشر احمد مسعود او پخواني حهادي مشر اسماعیل خان سره لیدلي دي، خو د مقاومت جبهې ویاند صبغت الله احمدي دغه موضوع رد کړه.
دغه ليده کاته د ایران په منځګړیتوب شوي دي.
متقي: ایران سره مو پر مهمو مسايلو مجلسونه درلودل او نتایج به هم ښه وي
د افغانستان د پارلمان پخواني غړي حفیظ منصور هم ویلي دي چې طالبانو له احمد مسعود او اسماعیل خان سره په یوه غونډه کې لیدلي دي چې د ایران مشر سلاکار علي اکبر ولایتي هم په دې غونډه کې حضور درلود.
طالبانو او د مقاومت جبهې چارواکو پخوا هم څو ځله لیدلي ول، خو خبرې کومې پایلې ته نه دي رسېدلي.
طالبان: د پنجشیر له جبهې سره مذاکراتو نتیجه نه ده ورکړې
وروسته له هغې چې طالبان واک ته ورسیدل د افغانستان ډېر پخواني جهادي مشران او چارواکي له افغانستانه ووتل، چې ډیر یې د افغانستان په ګاونډیو هیوادونو کې میشت دي.