ایراني چارواکو د اوسکار جایزې ګټونکي فلم هنرمنده نيولې
۱۴۰۱ آذر ۲۷, یکشنبه
ایرنا زیاته کړې چې د اوسکار جایزې ګټونکې فلم «فروشنده» (پلورونکي) کې رول لوبونکې دغې هنرمندې پر انستاګرام د ایران په اعتراضونو کې د جرم د ارتکاب په تور د لومړني اعدام شوی نارینه تر اعدام یوه اوونۍ وروسته، له هغه سره د پیوستون او خواخوږۍ يو پُست خپور کړ.
«ایران باید په عاجل ډول د سرکوبونو په هکله ځواب ووایي»
په ایران کې د حکومت ضد اعتراضونه اوس خپلې درېمې میاشتې ته رسېدلي. په دغه موده کې د فوټبالرانو، فلمي اکټرانو او بانفوذه څیرو په څير کسان نيول شوي چې د علي دوستي نيونه ېې وروستۍ پېښه ده.
د ایران د بشري حقونو سازمان: نږدې وخت کې به شپږ تنه اعدام شي
د دولتي خبري آژانس پر ټيلګرام چينل خپور شوي رپوټ کې ويل شوي دي چې میرمن علي دوستي د دې له پاره نيول شوې چې هغې په پُست کې د خپلې ادعا په اړه کوم اسناد نه دي وړاندې کړي.
د اسوشتید پریس په حواله علي دوستي د ایران د سږنيو اعتراضونو څخه مخکې هم د ایران پر حکومت او پولیسو په کراتو نیوکې کړې دي.
په ایران کې یو لاریون کوونکی اعدام شوی دی
له پاريس څخه د فرانسې خبري آژانس بيا رپوټ ورکوي چې د مشهوري څېرو او بشري ډلو د يکشنبې په ورځ پر ایران غږ وکړ تر څو ترانه علي دوستي له توقیفه آزاده کړي. یاد آژانس، ۳۸ کلنه علي دوستي، د ایران د اعتراضونو پر مهال، تر اوسه د نیول شوو کسانو په ډله کې تر ټولو مشهوره څيره ښودلې ده.
آژانسونه/م.ک.ص./م.ن.ص.
له آرشیف څخه یو انځوریز البوم: