ایران په سعودي کي خپل سفارت بیرته پرانیست
۱۴۰۲ خرداد ۱۷, چهارشنبه
د نوموړي رپوټ له مخي د دواړو هیوادونو ترمنځ بیا نیژدو کیدو ته په کتو سره به د چهارشنبې په ورځ په ساحلي ښار جده کی د ایران قونسلگري هم خپل فعالیت له سره پیل کړي.
په می میاشت کي لا ایران د خلیج د دغه بانفوذه هیواد له پاره خپل یو سفیر نومولی وو. همدارنگه سعودي عربستان هم غواړي خپل سفارت په ایران کي بیرته پرانیزي. د هغه د پرانیستلو دقیق وخت لا معلوم نه دی.
د چین په مرسته دغو دواړو هیوادونو پس له اوو کالو وقفې وروسته له مارچ میاشتي راهیسي خپلي اړیکي بیرته سره نیژدې کړي دي.
عربستان او ایران د اړیکو د ښه والي له پاره عملي ګامونه پورته کوي
په اپریل میاشت کي دواړو سیالو هیوادونو د خپلو خارجه وزیرانو تر لیدني کتني وروسته اعلان وکړ چي د هغوی ترمنځ به بیرته الوتنې پیل سي او د ویزې ورکول به د دواړو هیوادونو اتباعو ته آسانه کړای سي.
ایران او سعودي عربستان په سیمه کي د خپل سیاسي او پوځي اغېز له پاره هلي ځلي کوي. د دوی ترمنځ نیژدیوالی به د ډیرو پرمختگونو سبب سي. همدارنگه له داخلي جنگونو څخه اغیزمن سوي یمن له پاره، چېري چي هیوادونه د سیالو اړخونو ملاتړ کوي.
GP/NZ/AG