له افغانستانه قاچاق شوي څو ټنه هیروين په هند کې نيول شوي

هندي چارواکو ويلي دي چې له افغانستان څخه دغه هيروين چې بیه يې کابو ۲،۷ ميليارده ډالر کيږي، په دوو کانتینرونو کې پټ ځای پر ځای شوي ول.

زياته شوې ده چې دغه مخدره مواد د يوه ايراني بندر له لارې هند ته رسېدلي ول او بيا په لويدېځ ايالت جګرات کې ونيول شول. د پلټنو پر اساس د دې نشه يي توکو په قاچاق کې افغانانو هم لاس درلود.

ماليزيا د نشه يي موادو «کريستال» يوه ستره محموله نيولې ده

افغانستان په نړۍ کې د هیروينو تر ټولو ستر توليدونکی هېواد دی. د طالبانو له پاره چې په دې وروستيو کې یې افغانستان ولکه کړ، د کوکنارو کرکيله چې تارياک او هیروين ترې ترلاسه کيږي، د عايد يوه مهمه سرچينه ګڼل کيږي.

ب. ص/ ن. ز (AFP)

زموږ له آرشيف څخه: