د مکرون او بن سلمان په لیدنه کې پر کومو موضوعاتو خبرې شوي؟
۱۴۰۲ خرداد ۲۷, شنبه
د سعودي عربستان وليعهد محمد بن سلمان د جمعې (د جون میاشتې ۱۶ نیټه) په ورځ د الیزې په ماڼۍ کې د فرانسې له ولسمشر امانویل مکرون سره ولیدل.
په سعودي عربستان کې له مذهب پرته د یوه نوي ملي هویت رامنځته کول
تر دې لیدنې کتنې وروسته الیزې ماڼۍ اعلان وکړ چې مکرون په دغو خبرو اترو کې ټینګار کړی دی هیواد یې اماده دی چې د دفاعي وړتیا د پیاوړې کولو په برخه کې له سعودي عربستان سره همکاري او ملګرتیا وکړي.
زمونږ له فیسبوک شبکې پاڼې سره یوځای شئ:
د سعودي د بهرنیو چارو وزارت هم ویلي چې دغه خبرې اترې د سعودي عربستان او فرانسې ترمنځ په راتلونکي کې د ستراتیژیکو اړیکو د لا زیات پراخولو د څرګوالي په هکله وې.
د امریکا يوه قاضي د سعودي ولیعهد پر ضد د خاشقجي قضیه رد کړې
ویل کیږي چې مکرون او محمد بن سلمان د منځني ختیځ د وضعیت په هکله هم خبرې اترې کړي دي. د الیزې ماڼۍ په وینا دواړه هیوادونه اراده لري چې په دوامداره توګه د کړکیچ پای ته رسولو په برخه کې هڅه وکړي.
مکرون په دغو خبرو اترو کې د اوکراین پر وړاندې د روسیې یرغلیزې جګړې ته هم اشاره کړې ده او پر ملکي خلکو او د خوړو پر امنیت د دغې جګړې ویجاړوونکو پایلو ته هم اشاره کړې ده.
امانویل مکرون د تیر کال په دوبي کې هم محمد بن سلمان ته، چې د سعودي اصلي واکمن بلل کیږي په پاریس کې هرکلی ویلی و. له فرانسې څخه د بن سلمان لیدنه په ۲۰۱۸م کال کې په استانبول کې د سعودي عربستان په قونسلګرۍ کې د دغه هیواد د انتقادي خبریال جمال خاشقجي تر ترور وروسته اروپا ته د هغه لومړی سفر و.
ماکرون د سعودي له وليعهد سره وکتل
د امریکا استخباراتي ادارې محمد بن سلمان د جمال خاشقجي د وژنې امر ورکولو مستقیم مسئول بولي، خو بن سلمان دغه تورونه رد کړي دي.
زمونږ له یوټيوب شبکې سره یوځای شئ:
په فرانسې کې د سعودي د ولیعهد هرکلی د بشري حقونو د فعالانو او د هغه د مخالفینو له انتقادونو سره مخامخ شوی دی. د بشري حقونو له سازمان څخه احمد بن خمسي وویل: «د تاسف ځای دی، یو داسې سیاستوال ته لاس ورکوو چې د یوه ژورنالیست په قتل کې یې لاس درلودل ثابت شوي دي.«
آژانسونه: ش.ن/ ن.ص