سویس له پاکستانه اېستل شویو افغان کډوالو سره مرسته کوي

په پاکستانکې د سویس سفارت پر خپله اکس پاڼه لېکلي چې دا پیسې به د هرات له زلزله ځپلو سره په مرستو هم ولګول شي.

«سویس له افغانستان سره ولاړ دی ۴،۲۵ میلیونه ډالر هغو کورنیو سره چې له پاکستانه ستانه شوي او په هرات کې زلزله ځپلو کورنیو سره په مرستو لګول کیږي.»

پاکستانپه تېر نوامبر مياشت کې اعلان وکړ چې له دغه هيواده ټول هغه افغان کډوال باسي چې هلته د اوسیدو قانوني اسناد نه لري. سره له دې چې تراوسه څرګنده نه ده چې د پاکستان له دغه اعلان وروسته څومره افغان کډوال په زور افغانستان ته شړل شوي، خو نارسمي شمېرې ښيي چې ښايي نیږدې یو میلیون افغانان افغانستان ته ستانه شوي وي او دا لړۍ لاهم روانه ده.

له دغوکډوالو سره د پاکستاني چارواکو د ناسم چلند رپوټونه هم ورکړل شوي او د رپوټونو له مخې ډېرو ته یې هلته د ګټل شویو پانګو د لېږد اجازه هم نه ده ورکړل شوې.