ایټالیا: له سرکسه تښتیدلی زمری په ښار کې قدم وهي
۱۴۰۲ آبان ۲۱, یکشنبه
اعلان
یاد زمری د روم د شمال په یوه بندري ښار کې د غرمې ښاوخوا پر سرکونو ګرځیدی.
د یادي سیمې ښاروال الیسندرو ګرانډو خلکو ته خبرداری ورکړی و چې "ډیر محتاط وي."
څو ساعته مخکې له دې چې بیرته دا زمری ونیول شي، پر خواله رسنیو د یادې سیمې اوسیدونکو د زمري ویډیوګاني په داسي حالت کې خپرې کړې وې چې دا زمری په ډیرې ارامۍ سره پر سرکونو ګرځي.
ډیری اوسیدونکي د احتیاط په توګه په خپلو کورونو کې پاتې شوي وه. ویل کیږي ځینې نورو بیا په موقتي توګه په خپلو موټرونو کې ځان بندیان کړي ول.
د دغه سیمي ښاروال وایې د شپې ناوخته په دې وتوانیدل، چې دا تښتیدلی زمری ومومي او د بې هوښۍ پیچکاري ورته وکړي.
هغه زیاته کړه چې وروسته له هغې چې زمری بې سده سو او خوب ته لاړ، بیرته یې سرکس ته ولیږداوه.