Za ayi zabe a Zimbabuwe a watan Yuli

 Shugaban kasar Emmerson Mnangagwa ne ya bayyana hakan cikin wata sanarwa, inda ya sha alwashin gudanar da sahihin zabe na gaskiya kuma mai inganci. Zaben dai zai kasance zabe na farko tun bayan da kasar ta samu 'yancin kanta a shekara ta 1980 ba tare da tsohon shugaban kasar Robert Mugabe ba, wanda ya sauka cikin watan Nuwamban bara, bayan da fuskanci matsin lamba daga sojoji da ma al'ummar kasar. Ana sa ran Shugaba Mnangagwa ne zai tsaya wa jam'iyya mai mulki ta ZANU-PF yayin da zai fafata da Nelson Chamisa da ke zaman dantakara jam'iyyar adawa ta Movement for Democratic kana shugabanta.