1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Zanga-zangar nuna goyon baya ga shugaba Mursi na Masar

February 15, 2013

Magoya bayan shugaba Mohammed Mursi na Masar sun fito sun yi Allah wadai da tashe-tashen hankulan da suka zargi 'yan adawa da haddasawa

https://p.dw.com/p/17fDt
Protesters try to stop the stone throwing after scuffles broke out between groups of several hundred protesters in Tahrir square when chants against the new Islamist president angered some in the crowd in Cairo, Egypt, Oct. 12, 2012. The scuffles between supporters and opponents of President Mohammed Morsi reflect deep political divisions among the country’s 82 million people, more than a year after the popular uprising that toppled Hosni Mubarak. (Foto:Khalil Hamra/AP/dapd)
Hoto: AP

Ɗaruruwan magoya bayan shugaba Mohammed Mursi na Masar suka gudanar da jerin gwano kan tituna ran juma'a domin su yi Allah wadai da tashe-tashen hankulan da aka ɗauki makonni ana yi tsakanin 'yan sanda da masu adawa da gwamnatin Mursi.

Jamiyyar da ta jagoranci jerin gwanon mai taken "Haɗin kan yaƙi da tashe-tashen hankula" ta ɗora alhakin duk rigingimun da suka wakana a 'yan kwanakin baya-bayan nan, kan 'yan adawan da ke ƙarƙashin jagorancin masu ra'ayin sassauci.

Kamfanin dillancin labarun Jamus ya rawaito cewa masu zanga-zangar sun yi ta raira ƙasidu masu yabawa shugaba Mursi yayin da suka yi marci zuwa jami'ar Alƙahira.

Ƙasar Masar dai ya rabu gida biyu tsakanin magoya bayan masu kaifin kishin addini da kuma waɗanda ba ruwansu da addini waɗanda ke neman ganin an raba harkokin gwamnati da na addini.

Mawallafiya: Pinaɗo Abdu Waba
Edita: Mohammad Nasiru Awal