Bobi Wine na neman kotu ta soke zaben Yuganda

Madugun adawar kasar Yuganda Robert Kyagulani wanda ake yi wa lakabi da Bobi Wine ya shigar da kara a gaban kotu domin neman a soke zaben da ya gudana.

A lokacin da yake bayani a Kampala babban birnin kasar, lauyan jam'iyyar adawa ta NUP ya ce suna bukatar a soke wannana zaben bisa kurakuren magudi da aringizon kuri'u da uwa uba na rikicin kame 'yan adawa.

Sakamakon zaben dai, ya ba wa shugaban kasar Yoweri Museveni wanda ke kan karagar mulki tun a shekarar 1986 nasarar zarcewa a wani sabon wa'adi na shidda, yayin da Bobi Wine ya zo a matsayi na biyu.