1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Zaɓen Siriya ya ci karo da harin bama-bamai

May 7, 2012

'Yan adawar Siriya da suka ƙauracewa zaɓen 'yan majalisar dokokin da jam'iyu da yawa suka shiga, sun ce dodorido ne kawai.

https://p.dw.com/p/14rQ4
epa03203966 Syrians walk past electoral banners and posters for the coming parliamentary elections at a street in Damascus, Syria, 02 May 2012. Syrian Parliamentary elections are scheduled for 07 May 2012. EPA/YOUSSEF BADAWI
Hoto: picture-alliance/dpa

Fashewar bama-bamai da faɗace faɗace a sassa daban daban na ƙasar Siriya suka mamaye zaɓen 'yan majalisar dokokin ƙasar da magoya bayan gwamnati suka yi a ranar Litinin. Magoya bayan 'yan adawa sun ƙaurace wa zaɓen da suka kwatanta shi da cewa dodorido ne kawai. Masu boren ƙin jinin gwamnatin shugaban Siriyar Bashar Al-Assad a wasu wurare a Daraa da kuma yankunan Ƙurdawa sun yi kira da a gudanar da yajin aiki na gama gari. Masu sa ido a zaɓen sun ce ba a samu kwararar mutane zuwa rumfunan zaɓe ba. Sai dai ma'aikatar cikin gida a birnin Damaskus ta ce mutane da yawa suka fita kaɗa ƙuri'a. A wani labarin kuma masu fafatuka sun ce dakarun gwamnati sun kashe mutane da yawa a lardunan Hassaka, Deir as-Saur, Homs da kuma Damaskus. A Daraa da Hama da wasu wurare an samu fashewar bama-bamai da tashe tashen hankula.

Mawallafi: Mohammad Nasiru Awal
Edita: Umaru Aliyu