Aiwatar da matakin tsagaita wuta a Yemen

Ana kyautata zaton janyewar 'yan tawayen da ya samu jinkiri tun daga watan Janairu, zai kammalu a ranar Talata mai zuwa a cewar shugaban kwamitin MDD da aka tura yankin Janar Michael Lollesgaad.

Dan asalin kasar Denmark, janar din ya yi maraba da wannan manufa ta 'yan tawayen da ke samun goyon bayan 'yan Shi'ar kasar Iran, na janyewa daga tashoshin jiragen ruwan na Hodeida, Saleef da Ras Issa

.
Janyewar wani bangare ne na yarjejeniyar da aka cimmawa a kasar Sweden a watan Decenban da ya gabata, da ake wa fatan wani gagarumin mataki na kawo karshen yakin na Yemen da ya yi sanadiyyyar dubban rayuka.