Yarjejeniyar jigilar fetur tsakanin Sudan biyu
August 4, 2012Tsohon shugaban Afirka ta Kudu Thabo Mbeki da ke shiga tsakani a rikicin Sudan da kuma Sudan ta kudu, ya bayyana cewar kasashen biyu sun amince su kawo karshen rikicin man fetur da ke tsakaninsu. A lokacin da ya ke yi bayani a birnin Addis Ababa na kasar Habasha, Mbeki ya ce fadar mulki ta Khartum da kuma takwararta ta Juba za su ci gaba da tattaunawa tsakaninsu, da nufin tsayar da ranar da sudan ta Kudu za ta fara ratsa kasar Sudan domin jigilar man fetur ta i zuwa kasashen ketare domin sayarwa.
Tun dai watan janairu ne dai jaririyar kasar wato Sudan ta kudu ta dakatar da fitar da man da Allah ya hore mata, bayan rashin jituwa da ya taso tsakaninta ta Sudan game da yawan kudin da ya kamata ta biya domin amfani da bututan man hukumomin Khartum. Sai dai mai shiga tsakanin bai bayyana ko makobtan biyu wato Sudan da kuma Sudan ta kudu sun amince su kawo karshen rikicin kan iyaka da ke tsakaninsu koko a'a ba.
Mawallafi: Mouhamadou Awal
Edita: Usman Shehu Usman