Yarima Harry ya garzaya kotu kan janye masa tsaro

Shari'ar game da rasa kariya ta musamman ita ce ta baya-bayan nan a cikin jerin kararrakin kotu da Harry ya fara, tun abyan tabbatar wa mahaifinsa Sarki Charles na III sarautar Birtaniya.

Harry yana daukar matakin shari'a a kan ma'aikatar harkokin cikin gida ta Burtaniya kan shawarar da wani kwamiti da ke kula da tsaron fadar masarautar Buckingham ta yanke a watan Fabrairun 2020 na rashin samun damar da yake da ita a baya.

Za a gudanar da shari'ar ta baya-bayan nan a cikin sirri, ba tare da 'yan jarida ko jama'a sun san me ake ciki ba, saboda shaidar sirri kan matakan tsaro. A ranar Alhamis ne za a kammala sauraren karar, inda a nan gaba za a yanke hukunci.