1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Shugaba Putin na Rasha zai yi waya da Biden na Amirka

Zaharaddeen Umar
December 30, 2021

Wannan ne karo na biyu  da shugabannin ke tattaunawa a cikin 'yan makonnin nan. Ana sa ran Shugaba Putin zai ci gaba da nuna bukatarsa ta kungiyar tsaro ta NATO da ta nesanta kanta daga tallafa wa Ukraine.

https://p.dw.com/p/450e0
Bildkombo Biden und Putin
Hoto: Jim WATSON/Grigory DUKOR/AFP

Shugaba Joe Biden na Amirka da Vladimir Putin na Rasha na shirin tattaunawa a kan tasirin jibge dakarun da Rasha ke yi a kusa da iyakarta da Ukraine. Mai magana da yawun gwamnatin Rasha Dmitry Peskov ya siffanta tattaunawar da cewa alamu ne na dattako da Shugaba Vladimir Putin ke nunawa a siyasar duniya.

''Shugaba Putin ne ya assasa tattaunawar, kuma manufa ita ce mu ci gaba da tattaunawa kan batutuwa masu sarkakiyar da ba mu tsayar da matsaya a kansu ba a tattaunawarmu ta karshe.''  inji Peskov

Sai dai Fadar gwamnatin Amirka ta White House ta ce Shugaba Biden zai yi amfani da tattaunawar tasu ta wayar salula wurin jan hankalin Rasha a game da dakaru kusan 100,000 da ta jibge kusa da iyakarta da Ukraine.