1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Tatsar bayanan sirri na 'yan adawa a Togo

Zaharaddeen Umar
August 5, 2020

Gamayyar kungiyoyin fararen hula a kasar Togo sun zargi gwamnatin Shugaba  Faure Gnassingbe da tatsar bayanan sirri a wayoyin jama'a.

https://p.dw.com/p/3gTfK
Togos Präsident Faure Gnassingbe
Hoto: Getty Images/C. Marquardt

Kungiyoyin farar hular sun zargin gwamnatin da sanya ido a kan wayoyin salula na 'yan fafutuka da shugabannin addinai da kuma 'yan adawa wadanda ta ke gani sun zamar mata barazana. 

Wani kamfani na kasar Isara'ila mai suna NSO Group ake zargi da yi wa gwamnatin ta Togo wannan aiki tare da wasu kasashe na duniya kamar yadda jaridar The Guardian ta Birtaniya ta ruwaito. 

Shugaban jam'iyyar Togolese People's Party mai adawa Nathaniel Olympio ya ce Shugaba Faure Gnassingbe' ya wuce gona da iri, yana mai cewa gwamnati ta mayar da kayan aikin da ya kamata ta yaki ta'addanci da su zuwa wurin yakar abokan hamayya da 'yan fafutuka.