Nijar: Nemo mafita kan tsaro

Taron wanda gidauniyar Konrad Adenauer ta Jamus ta shirya, ya tabo batutuwa da dama kan rawar da 'yan jarida za su iya takawa wajen wallafa labarai kan harkar tsaro da ta'adanci. Mahalarta taron dai sun tattauna kan batutuwa masu yawa da suka hadar da hatsarin da 'yan jaridar ke fuskanta wajen wallafa labaran harkar tsaro da, kuma yadda za a shawo kan matsalar. Taron dai ya nunar da cewa akwai bukatar a bai wa 'yan jaridun da suka hadu daga kasashe dabam-dabam wani horo da zai taimaka musuwajen udanar da ayyukansu kana a hada hannu waje guda domin samo musu mafita.  A hannu guda kuma, 'yan jaridun da suka samu halartara wannan taro sun nuna jin dadinsu tare da bayyana cewa sun fahimci matsalolin da suke fuskanta kuma hakan na zaman mataki na farko wajen shawo kan tarin matsalolin da suke fuskanta.