Sudan ta kama masu leƙen asiri

Gwamnatin Sudan tace ta kama wasu yan leƙen asiri a inda suka taƙadda, kan iyakar ta da Sudan ta kudu. Kakakin sojojin Sudan Al-Sawarmi Khalid, yace baƙin da aka kama suna leƙen asiri, akwai yan ƙasar Birtaniya da Norway da Afirkas ta kudu, hade da yan Sudan ta kudu masu yi musu rakiya. Kakakin sojojin yace an tsare mutanen a yankin Heglig mai arzikin mai, inda suke taƙaddama da juba. A wani labarin kuwa gwamnatin Sudan ta kafa dokar ta baci a kan iyakar ta da Sudan ta kudu, abinda ya kara kawo matsin labba ga mahukunta Juba. Karkashin kudurin da Albashir ya zartas, an hana sayarwa al'ummar Sudan ta kudu kaya daga Sudan ta Arewa jihohin Kordofan, White Nile da kuma jihar Sennar.

Mawallafi: Usman Shehu Usman

Edita: Abdullahi Tanko Bala