Karo na biyu Spain ta lashe irin wannan gasa

A cikin shirin za a ji yadda a fannin kwallon kwando, kasar Spain ta yi nasarar zama zakarar duniya na Basketball bayan da ta doke Argentina da ci 95 da 75 a wasan karshe da ya gudana a kasar Chaina! Wannan dai shi ne karo na biyu da Spain ta zama gawani na gwanayen duniya a wasan kwallon kwando cikin 13 da suka gabata. 'Yan wasanta biyu ne kawai suka dama a babbar kungiyar kwallon kwando na Spain lokacin da ta zama ta daya a duniya ciki har da Marc Gasol wanda karkashin kungiyar Toronta ya lashe kofin NBA a watan Yunin da ya gabata. Kasar Faransa ce ta samu matsayi na uku sakamakon samun nasarar da ta yi a kan Austreliya da ci 67 da 59 a wasan neman matsayi. 

A fagen kwallon kafa kuwa, lissafin Bayern Munich ya dagule a teburin Bundesliga bayan da ta yi karon bata da Lepzig da ke ci gaba da jan zarenta ba tare da ya tsinke ba. za a ji sauran labaran wasannin a cikin shirin.