Sojoji sun rufe offishin babbar jam'iyyar adawa a Yuganda

A wani sako da aka wallafa a dandalin sada zumunta na X, shugaban jam'iyyar National Unity Platform Robert Kyagulanyi, wanda aka fi sani da Bobi Wine, ya ce jami'an tsaro sun kewaye hedkwatar jam'iyyar NUP da ke Kampala babban birnin kasar, tare da hana kowa shiga ko fita.

Ya ce an kama wasu shugabannin jam'iyyar ta NUP da yawa tare da nuna hotunan jami'an soji a harabar tare da wasu motocinsu da aka ajiye.

Mai magana da yawun ‘yan sandan Kituuma Rusoke bai amsa kai tsaye ba lokacin da aka nemi jin ta bakinsa game da kamen shugabannin adawar.