Sojin Amurka sun kammala fice wa daga Jamhuriyar Nijar

Amurka ta sanar da kammala kwashe dakarun sojinta da ke Jamhuriyar Nijar a Litinin din nan, bayan da sojojin da suka yi juyin mulki a kasar suka bukaci ficewar ta su.

Karin bayani:Nijar ta kori Amurka saboda barazanar takunkumi a kan Iran

Sojojin Amurka sama da dubu daya ne suka yada sansani a birnin Agadez, inda suka ajiye jirage marasa matuka, a wani bangare na yaki da ayyukan ta'addanci a kasashen Sahel da ma yankin yammacin Afirka.

Karin bayani:Sojojin Rasha sun canji na Amurka a Nijar

Bayan hambarar da shugaba Mohamed Bazoum da tsinin bindiga a ranar 26 ga watan Yulin bara ne sojojin suka nemi Amurkawan su fice daga kasar, nan take Amurka ta amince da kwashe komatsanta ta yi gaba, ba tare da nuna wata tirjiya ba.