1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Firaiministan Isra'ila ya ziyarci Masar

Abdul-raheem Hassan
September 13, 2021

A karon farko cikin shekaru sama da 10, firaiministan Isra'ila Naftali Bennett ya gana da Shugaban Masar Abdel Fattah al-Sisi, inda suka tattauna batun inganta hulda da juna da sasanta rikicin Faladsinawa da Hamas.

https://p.dw.com/p/40Gld
Ägypten Scharm el Scheich | Treffen Ministerpräsident Israel Bennett und Präsident al-Sisi
Hoto: EGYPTIAN PRESIDENCY/AFP

Shugaba al-Sisi ya karbi bakuncin Bennett a wurin shakatawa na Sharm el-Sheikh, sun kuma tattauna kokarin farfado da shirin zaman lafiya tsakanin Isra'ila da Faladsinawa.

Masar, kasa mafi yawan al'umma a kasashen Larabawa, ta zama ta farko da ta rattaba hannu kan yarjejeniyar zaman lafiya da Isra'ila a shekarar 1979, bayan shekaru da dama na kiyayya.

A cikin watan Mayu, gwamnatin Alkahira ta taka muhimmiyar rawa wajen kulla yarjejeniyar tsagaita wuta tsakanin Isra'ila da kungiyar Hamas da ke mulkin zirin Gaza, bayan shafe kwanaki 11 ana gwabza kazamin fada.