1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Tunawa da bala'in Tsunami

Lateefa Mustapha Ja'afar
December 26, 2019

Al'ummomin kasashen da ke yankin Tekun Indiya na tunawa da wadanda bala'in mahaukaciyar guguwar Tsunami ya rutsa da su shekaru 15 din da suka gabata.

https://p.dw.com/p/3VLnZ
Indonesien Gedenken Tsunami Katastrophe 2004
Tunawa da wadanda bala'in Tsunami ya rusta da suHoto: picture-alliance/AP Photo/Nurhasanah

Mutane 228.000 ne dai bala'in na tsunami ya yi sanadiyar rasuwarsu baya ga dinbin asarar dukiyoyi. A Lardin Aceh na kasar Indonesiya inda wadanda suka rasa rayukansu a bala'in suka fi yawa, mutane na kai ziyara kaburburan 'yan'uwa da abokan arziki. Bala'in na Tsunami da ya afku a ranar 26 ga watan Disambar shekara ta 2004 dai, na zaman bala'in girgizar kasa ta karkashin teku mafi muni a tarihin duniya. Wannan bala'in dai ya ritsa da yankuna da dama a kasashen Indonesiya da Indiya da Thailand da kuma Sri Lanka.