Senegal ta farfado da sha'awar tufafin gargagajiya na kasar hannu

Seydina Oumar Cisse dan kasar Senegal masaki dan shekaru 28 da haihuwa na kallon yadda sakar ke daukar fasali. Daga launukan zuwa taswirar komai ya yi kama da asalin na Cheikh Diouf, fitaccen masakin Senegal

Cisse masaki ne a wata masana'antar kwalliya ta kawata daki da ke Thies, kamfani mafi shahara na kayan hannu masu nagarta a Afirka. Kungiyoyi a sassan duniya kama daga hedikwatar MDD a New York zuwa hedikwatar kungiyar Tarayyar Afirka a Addis Ababa suna makala kayayyakin kamfanin a bangwayensu

Coline Desportes, wani mai bincike a cibiyar tarihi a Senegal, ya lura da karuwar farfadowar sha'awar tufafi sakar hannu a kasuwannin kayan saka na duniya sakamakon shaukin kayan ado na gargajiya masu daraja a duniya. Shahararrun masu kayan ado kamar Chanel su ma sun nuna sha'awar yin hadin gwiwa da masu masana'antun Senegal

A 1966, shekaru shida bayan samun 'yancin kai daga Faransa, shugaban Senegal marubucin wakoki, Leopold Sedar Senghor ya kafa cibiyar sakar hannu ta kasa a Thies domin samar da sabuwar kafar sana'ar hannu ga kasar. Bayan ya sauka daga mulki a 1980, gwamnati ta katse tallafin da ta ke bayarwa, harkar saka ta durkushe har sai a shekara ta 2000 lokacin da aka cigaba da samun karuwar bukatar tufafin.

A shekarun 1960, ba kasafai aka san saka da zane-zanen hannu a Senegal ba. Shekaru biyu kafin fara aiki a cibiyar Thies, aka tura matasa hudu masu fasahar aikin hannu zuwa Faransa domin horo na musamman. Ga Senghor, sabon wakilin cibiyar al'adu ta Senegal ya gabatar cewa gwama fasahar da ya samo a Faransa da ta gargajiya.

Aiki a dakin saka da ke cikin gini mai launin kore da fari a tsohon bariki, masakan ba za su sake su yi kuskure ba. Suna bi layin da ke zane a kwali tare da amfani da zare daga turai da kuma ulu daga Thies domin yin aiki yadda suke bukata.

Kafin a fara saka sai masakin ya fara zana taswirar abin da ya ke so ya saka, yana iya daukar watanni shida daga lokacin da aka zana taswirar zuwa kammala sakar, yana da cin rai da daukar lokaci. Masakan suna kuma saka tabarmar Sallah da batik da kayan karau, wadanda su kan fi sauki fiye da kayan saka masu tsada da su kan kai dala $2,400 duk mita daya.

Dakin sakar na daukar hankalin 'yan yawon bude ido da masu finafinai a fadin duniya. Nan ba da jimawa ba za a bude dakuna 14 ga maziyarta, Sannan kuma Manajan Darakta Aloyse Diouf ya shirya samar da masauki ga masaka da masu zane-zane da sauran sana'ar hannu "Ya ce muna so mu mayar da masana'antar zuwa shahararriyar cibiyar al'adu"

Zane ba lallai ba ne ya kasance yana da alaka da al'adunmu ba, har yanzu ya kasance na 'yan boko, yawanci hukumomi ne suke sayen kayan zanen domin taimakawa wajen habaka tasirin Senegal a cewar Diouf.